Jump to content
sasha

10/23.08 День памяти Блаженного Лаврентия, Христа ради юродивого, Калужского

Recommended Posts

icona-lavrenty.jpg

Тропарь, глас 4:

Просветився божественною благодатию, Богомудре, и весь разум и сердце от суетнаго мира сего к Зиждителю неуклонно возложив, целомудрием и многим терпением во временней жизни течение добре скончал еси и веру соблюл еси непорочну. Темже и по смерти явися светлость жития твоего, источаеши бо чудесем источник неисчерпаемый верою притекающим ко святому твоему гробу, Лаврентие всеблаженне, моли Христа Бога, да спасет души наша.

 

Ин тропарь, глас 3:

Святый праведный Лаврентие, моли Милостиваго Бога, да прегрешений оставление подаст душам нашим.

 

Кондак, глас 8:

Избранному и дивному в праведницех, иже убо от Христа дар чудес приимшему похвальныя ныне принесем глаголы, но яко имея дерзновение ко Святей Троице, Юже моли избавитися от бед рабом твоим, да зовем ти: радуйся, Богомудре Лаврентие.

 

Величание

Величаем тя, святый праведный Лаврентие, и чтим святую память твою, ты бо молиши за нас Христа Бога нашего.

 

Из книги «Синаксарь: Жития святых Православной Церкви», составитель — иеромонах Макарий Симонопетрский:

Святой Лаврентий происходил из боярской семьи и жил в Калуге на рубеже XV–XVI веков, при князе Симеоне Иоанновиче. Лаврентий отказался от суетной мирской славы, чтобы следовать узким путем безумия во Христе и проповедовать своей жизнью евангельские заповеди.

 

Он носил только рубаху и кожаный плащ, зимой и летом ходил босым. Большую часть времени он проводил в молитве у дверей церкви, стоящей на холме, примерно в версте от города. Недалеко от этого храма юродивый построил себе хижину. Приходя в город, он горячей молитвой помогал больным и несчастным и свободно проходил в княжеские палаты. Поскольку к Лаврентию все время приходили верующие, прося его молитв, он прорыл тоннель из церкви в свою хижину, чтобы можно было проходить незамеченным.

В 1512 году крымские татары напали на Калугу. Князь вышел им навстречу с незначительным войском. Вскоре он оказался в большой опасности, отрезанный от своих людей и окруженный татарами. Святой Лаврентий, бывший в это время в княжеских палатах, внезапно воскликнул: «Дайте мой топор, потому что на князя Симеона напали псы, и я пойду ему на помощь!» Через несколько мгновений он оказался рядом с князем, размахивая топором и крича: «Не бойся!» Преимущество в битве сразу же стало переходить к русским, и они разбили татар.

 

Совершив множество чудес, блаженный Лаврентий предал душу Господу 10 августа 1515 года. Юродивый был похоронен в церкви, где совершались его подвиги и где впоследствии был построен монастырь, посвященный святому Лаврентию.

Share this post


Link to post

Калужский Свято-Лаврентьев монастырь и Святой Праведный Лаврентий

gazeta1.jpg

Калужский Свято-Лаврентьев монастырь основан в 1515 году, когда Калуга была самостоятельным княжеством, отданным великим князем Московским Иоанном III как удел его четвертому сыну, князю Симеону Калужскому (1487-1518). Это древнейший монастырь города Калуги и всей Калужской земли.

 

 

Монастырь посвящен Святому Праведному Лаврентию Калужскому (? -10.08.1515), которого приютил в своем доме благочестивый князь Симеон. Взяв на себя подвиг Христа ради юродивого, блаженный Лаврентий любил уединенно молиться в полуверсте от города Калуги, на высоком холме, недалеко от одиноко стоящей церкви во имя Рождества Христова. Там, по преданию, он выстроил себе хижину для несения подвига юродства, поста и молитвы. "На древних иконах, хранящихся в церквах и домах Калужской области, Праведный Лаврентий благоговейно изображается босой, как ходил он зиму и лето, в рубахе, портах и овчине, с секирою, насаженной на длинное древко...".

history2.jpghistory3.jpg

Так почему же в руках его топор?

Святой Лаврентий был и остается молитвенным защитником Калужской земли. Когда в 1512 году на град Калугу напали татары, он провидел это своим духовным взором, закричал, потребовал секиру, взял ее и устремился на поле боя защищать князя Симеона и русское войско не столько устрашающим своим видом, сколько молитвой и бесстрашным призывом: "Не бойтесь!". И тут же изменился ход битвы, уже почти проигранной русскими. Татары были разбиты. С тех пор и власть, и город Калуга почитали Святого Лаврентия своим спасителем. А в 1515 году, после преставления Праведного Лаврентия, он был с почестями погребен "... в любимой им церкви Рождества Христова, где и до ныне почивают под спудом его Св. мощи, источая исцеление всем, с верою приходящим."

 

Еще немного истории

На месте погребения Святого Лаврентия с течением веков вырос крепкий каменный монастырь, любимый калужанами. На территории монастыря были захоронены многие известные почетные горожане и герои России. Так, в 1812-1813 годах на монастырском кладбище погребены герои Отечественной войны генералы К.Ф. Багговут и A.M. Всеволжский. В XYIII веке в монастыре побывала Екатерина II, в XIX - Н.В. Гоголь, члены царской семьи. В самом конце XYIII века учреждена Калужская епархия и Свято-Лаврентьев монастырь преобразован в Ахиерейское подворье. После 1917 года практически все строения монастыря - и храмы, и надгробия, и даже монастырские стены были уничтожены.

 

В 1991 году территории монастыря был присвоен статус памятника природы местного значения. Спустя три года Калужской епархии была возвращена часть здания бывшего архиерейского дома. И в конце 1994 года здесь было создано Архиерейское подворье - Калужский Свято-Лаврентьев монастырь.

 

Сейчас монастырю возвращены фактически все, что сохранилось от обители. Проводится активная восстановительная работа.

Официальный сайт монастыря: http://splavrenty.ru/

Share this post


Link to post

Молитва святому праведному Лаврентию, Христа ради юродивому, Калужскому чудотворцу

icona-sv-lavrenty.jpg

О святый и богопрославленный праведниче и чудотворче Лаврентие, скорый помощниче и усердный заступниче всех, с верою и любовию молитвенно к тебе прибегающих! Се и мы, смиреннии и грешнии, обремененнии игом тяжким многих беззаконий наших, во умилении глубоцем к тебе прибегаем, и припадающе к многоцелебной раце святых мощей твоих, молим тя: помолися за нас ко Господу Богу, да не погубит нас со беззаконии нашими, но обратит нас на стезю покаяния и спасения. Вемы бо, вемы, яко много может пред Ним молитва праведнаго.

 

Тебе же воистину праведника суща на умоление к Нему предлагаем со упованием крепким, яко твоего ради небеснаго предстательства пред Ним и мы недостойнии помиловани будем. Испроси нам у Создателя нашего великия и богатыя дары благости Его: земли плодоносие, воздуха благорастворение, дожди благовременны, мир во днех наших, благочестия умножение, болящим здравие, скорбящим утешение, унывающим ободрение, сиротствующим призрение, убогим снабдение, подвизающимся преуспеяние, умирающим благую христианскую кончину и всем правоверующим вечное спасение.

 

Богохранимую же землю Российскую молитвами твоими невредиму от всякаго зла сохрани, град же твой соблюди в мире и благоустроении, яко страж и хранитель их неотступный. Ей, угодниче Божий! Не посрами упования нашего, но яви нам святое твое заступление: да величаем тя немолчно, яко великаго предстателя нашего, и прославляем неизреченное человеколюбие дивнаго во святых Своих Триединаго Бога, Отца и Сына и Святаго Духа во веки веков. Аминь.

 

АКАФИСТ Лаврентию Калужскому, Христа ради юродивому

 

Кондак 1

Избранный от Царя сил, Господа Иисуса, предивный в житии и чудесах, угодниче Христов Лаврентие! Восхваляем тя с любовию, милостиваго предстателя нашего; ты же, блаженне, яко имеяй дерзновение ко Господу, молитвами твоими от всяких нас бед и скорбей свобождай, да зовем ти:

Радуйся, блаженне Лаврентие, Калужский чудотворче.

 

Икос 1

Ангел земный и человек небесный был еси, блаженне Лаврентие, от юности твоей юродство Христа ради себе усвоивый, да в жизни временней от всех оскорбляем и поругаем будеши, во блаженней вечности мзду небесную да обрящеши. Темже яко истинный угодник Божий от верных слышиши благохваления таковая:

 

Радуйся, от благочестивых родителей рожденный;

Радуйся, от юности на служение Богу предъизбранный.

Радуйся, миру и всем прелестем его поругавыйся;

Радуйся, страстем греховным неповинувыйся.

Радуйся, мудрый странниче, единаго Христа любовию усердно взыскавый;

Радуйся, истинный нищелюбче, во единей раздранней ризе ходивый.

Радуйся, яко поругания и биения сладце Христа ради претерпевый;

Радуйся, яко буйством о Христе совершенство духовное стяжал еси.

Радуйся, алкавый и жаждавый на земли;

Радуйся, достойно насытивыйся брашна нетленного на небеси.

Радуйся, праведниче, сияяй яко солнце во Царствии Небеснем;

Радуйся, угодниче Божий, прославленный многими дарами благодатными.

Радуйся, блаженне Лаврентие, Калужский чудотворче.

 

Кондак 2

Видев непостоянство мира сего, Лаврентие блаженне, юродственное Христа ради житие возлюбил еси, и среди мира пребывая, чужд мирских страстей явился еси, и яко добрый воин Христов победоносно противу врагов спасения человеческаго ратовал еси, немолчно воспевая Подвигоположнику Господу Иисусу: Аллилуиа.

 

Икос 2

Разумел еси добре, Лаврентие блаженне, вся козни врага диавола, имиже от злых человек поруганьми и биеньми доброе твое произволение сокрушити хотяще. Темже тому крепце противустал еси и за досадителя твоя молился еси, и нас вопити тебе научил еси:

Радуйся, терпения столпе непоколебимый;

Радуйся, незлобия образе предивный.

Радуйся, истинный Христов последователю;

Радуйся, биения благодушно претерпевый.

Радуйся, о укорениях и осмеяниях небрегий;

Радуйся, любовию святою злобу человеческую победивый.

Радуйся, в мире премирно поживый;

Радуйся, во плоти ангелам подражателю.

Радуйся, буйством о Христе премудрости небесныя стяжателю;

Радуйся, смирением высокая приявший.

Радуйся, яко подвиги твоими миру светильник явился еси;

Радуйся, яко страннообразным твоим житием Бога прославил еси.

Радуйся, блаженне Лаврентие, Калужский чудотворче.

 

Кондак 3

Сила Божия осени тя, святе Лаврентие, и ратоборца крепкаго христианам противу полчищ агарянских яви тебе, егда благовернаго князя Симеона от погибели смертныя явлением твоим избавил еси, секирою супостаты поражающа и в бегство неверныя обращающа, верныя же побуждающа победную песнь Христу Богу возносити: Аллилуиа.

 

Икос 3

Имел еси огнь любве Божественныя в сердце твоем, Лаврентие богоблаженне, и яко некий пламеннообразный Серафим, непрестанно в молитве умной пребывал еси, сердцем и душею твоею выну ко Господу Иисусу Христу возношаяся. Темже и Господь дивными дарами духовными тя обогати, да вси тебе вопиют радостно:

Радуйся, воине Христов, необязываяйся куплями житейскими;

Радуйся, прозорливче дивный, будущее, яко настоящее, созерцавый.

Радуйся, яко любимаго ти князя Симеона от посечения смертнаго избавил еси;

Радуйся, яко от псов словесных того защитил еси.

Радуйся, яко явлением твоим агарян неверных устрашивый и в бегство обративый;

Радуйся, силою Господа сил победу верным даровавый.

Радуйся, отечества твоего земнаго Богом данный заступниче;

Радуйся, православному воинству добрый соратаю.

Радуйся, воеводо победоносный людем христоименитым;

Радуйся, врагов Церкве Христовы грозный карателю.

Радуйся, смиренным и благочестивым тихое пристанище;

Радуйся, подвизающимся добрый помощниче.

Радуйся, блаженне Лаврентие, Калужский чудотворче.

 

Кондак 4

Буря агарянскаго нашествия на град Калугу тобою, святе Лаврентие, умирися, и нечестивые полцы агарян зловерных от стада Христова тобою со студом отгнани быша; тако бо дарова тя Господь заступника изряднаго отечествию твоему, в нем же до ныне славится имя твое, и подвиги твои благодарственным чествуются пением Богу: Аллилуиа.

 

Икос 4

Слышим многая и чудная исправления твоя, о праведниче, како уединенное о Бозе житие твое при храме Рождества Христова проходил еси, пещерную стезю от келлии твоея к тому ископав, да незримый человеки Богу молитвы твои совершаеши. Сему убо смиренномудрию и нас научи, преподобне, да зовем тебе хвалебно:

Радуйся, уединения любителю;

Радуйся, многослезный молитвенниче.

Радуйся, всякую гордыню от сердца своего отгнавый;

Радуйся, христоподражательное смирение искренно возлюбивый.

Радуйся, подвиги твоя молитвенные от человек утаивый;

Радуйся, юродством Христа ради сия благоискусно сокрывый.

Радуйся, таинниче Пресвятыя Троицы;

Радуйся, созерцателю Ангельских сил.

Радуйся, пещерною стезею во храм Божий ходивый;

Радуйся, путем тесным пространство Царствия Христова стяжавый.

Радуйся, яко дни в юродстве, а нощи в молитве препровождал еси;

Радуйся, яко постом и бдением душу свою просветил еси.

Радуйся, блаженне Лаврентие, Калужский чудотворче.

 

Кондак 5

Боготечное светило быв, согражданы твоя благочестию христианскому поучал еси, Лаврентие всеблаженне, образ равноангельного жития тем показуя. Кто убо, о твоем великом терпении слыша, не умилится и совершенное смирение твое воспоминая, како обидящим, по заповеди Христа Бога, вся прощал еси и Тому во умилении глубоцем воспевал еси: Аллилуиа.

 

Икос 5

Видим был еси от человек, яко юрод и безумен, по стогнам града в раздранней одежде ходяй, от всех поругаем, Лаврентие праведне, обаче мудр о Христе пребыл еси и сие чудесы многими проявил еси. Темже от людей благочестивых, яко истинный угодник Божий почитаем, слышал еси похвалы таковые:

Радуйся, словес апостола Павла, еже о Христе юродства, добрый последователю;

Радуйся, евангельских Христовых заповедей верный исполнителю;

Радуйся, хлад и зной любве ради Божия претерпевый;

Радуйся, всякое упокоение плотское возненавидевый, да покой вечный наследиши.

Радуйся, в мире страннообразно поживый, да отечествие горнее приобрящеши;

Радуйся, биения телу твоему радостно приявый, да безсмертныя славы сподобишися.

Радуйся, мужу желаний духовных;

Радуйся, делателю благий винограда небеснаго.

Радуйся, плоды сладкие делания твоего Христу принесый;

Радуйся, временными лишеньми богатство небесное стяжавый.

Радуйся, изрядный праведнаго жития рачителю;

Радуйся, преподобия и чистоты ревнителю.

Радуйся, блаженне Лаврентие, Калужский чудотворче.

 

Кондак 6

Проповедник был еси покаяния грешником и обличитель прозорливый беззаконий человеческих, Лаврентие преблаженне; слово бо твое многих ко спасению приведе и на путь исправления настави, их же с любовию обличал еси и к покаянию истинному призывал еси, Богу же учил еси воспевати: Аллилуиа.

 

Икос 6

Возсиял еси, яко звезда пресветлая, во граде Калуге, угодниче Божий, и чудес благодатию согражданы твоя просветил еси и многия болящия преславно молитвами твоими исцелил еси, и вся верныя подвизал еси звати тебе:

Радуйся, верующим врачу безмездный;

Радуйся, молитвенниче всесильный ко Господу Богу.

Радуйся, руце твои святыя цельбоподательно на недужныя полагавый;

Радуйся, единым прикосновением к одежде твоей больным здравие подававый.

Радуйся, яко чудотворения твоя юродством сокрыти тщался еси;

Радуйся, яко тем искушения демонския победоносно отгнал еси.

Радуйся, сострадательный и милостивый страждущим помощниче;

Радуйся, любвеобильный и благосердный скорбящих утешителю.

Радуйся, Богу всей душею твоею прилепивыйся;

Радуйся, ближняя твоя зело возлюбивый.

Радуйся, присно о обидящих тя молитвы возносивый;

Радуйся, кротость совершенную себе усвоивый.

Радуйся, блаженне Лаврентие, Калужский чудотворче.

 

Кондак 7

Хотение присное имел еси, святе Лаврентие, да богоугодное и праведное житие твое от человек утаится. Темже всяко тщался еси от людей юродством сие сокрыти и радовался еси безчестиям и биениям, тебе наносимым, яко даром великим, присно зовый во смирении духа песнь Богу: Аллилуиа.

 

Икос 7

Новаго тя Андрея Цареградскаго познаем, Лаврентие блаженне, град Калугу дивным юродственным житием твоим просветившаго: дадеся бо тебе благодать от Бога помыслы человеческие познавати и согрешения тайные обличати, согражданом же твоим духовно светити и на стези покаяния и спасения тех приводити. О сем тебе восхваляюще, поем:

Радуйся, яко правда твоя в мире возсия немерцаемым Божия благодати светом;

Радуйся, яко тайнии подвизи твои от Бога явно чудесы прославишася.

Радуйся, древним пророкам подражавый;

Радуйся, прозорливец воистину неложный явивыйся.

Радуйся, приявый власть на духи нечистыя;

Радуйся, смирением твоим вся козни их разрушивый.

Радуйся, постом и молитвою сильно на диавола вооруживыйся;

Радуйся, нищетою и уничижением всю гордыню его поправый.

Радуйся, на земли небесный гражданине;

Радуйся, среди молвы народныя безмолвия добный хранителю.

Радуйся, землю одром упокоения имевый;

Радуйся, безчестие в честь вменивый.

Радуйся, блаженне Лаврентие, Калужский чудотворче.

 

Кондак 8

Страннообразное юродственное житие твое, Лаврентие праведне, святою кончиною завершил еси, яко истинный угодник Божий, о Господе почив, душею же твоею в небесныя скинии Царствия Христова восшел еси, и тамо со святыми Пресвятой Троице сподобился еси воспевати приснохвалебную песнь: Аллилуиа.

 

Икос 8

Весь град Калуга благоухания духовнаго в час скончания твоего исполнился, Лаврентие блаженне, и келия твоя, идеже о Господе почил еси, мироположница благоухания Христова явися, емуже благовернии людие радующеся, тебе похвальныя сия словеса воспевати научишася:

Радуйся, величием чудес в житии и по смерти просиявый;

Радуйся, праведно и свято житие твое совершивый.

Радуйся, яко кончину твою благоуханием чудным ознаменовал еси;

Радуйся, яко ароматы райскими святость души твоея показал еси.

Радуйся, в сладкую воню Христову радостно востекий;

Радуйся, нетленное тело твое, аки масть духовную, верным оставивый.

Радуйся, град Калугу святыми мощами твоими освятивый;

Радуйся, радости многим подателю.

Радуйся, недугов душевных и телесных целителю;

Радуйся, ближним и дальним дары целебныя подаваяй.

Радуйся, чтущих тя прошения исполняяй;

Радуйся, блаженне Лаврентие, Калужский чудотворче.

 

Кондак 9

Всем людем во утешение и освящение явися святое место уединения твоего, идеже во храме Рождества Христова гроб твой честный чудеса многа и предивна силою Христовою совершает и вся верныя научает твоя богоугодный подвиги чествовати. Богу же, прославльшему тя, пети: Аллилуиа.

 

Икос 9

Витийство мирское недовлеет к прославлению чудес, по молитве блаженнаго Лаврентия совершаемых и разумение человеческое превосходящих, о нихже мы, смиреннии, благохвалити угодника по достоянию недоумеем, но от усердия нашего приносим ему малыя нехитростныя похвалы сия:

Радуйся, угодниче Божий, со святыми почиваяй;

Радуйся, избранниче Христов, земнородным милосердие твое являяй.

Радуйся, расслабленныя телом здравы возставляяй;

Радуйся, бесныя от насилия диавольскаго свобождаяй.

Радуйся, глухим слухи отверзаяй;

Радуйся, немым уста разрешаяй.

Радуйся, хромым право ходити устрояяй;

Радуйся, бедствующих скоропредстательный помощниче.

Радуйся, скорбящих благодатный утешителю;

Радуйся, града Калуги небесный покровителю.

Радуйся, святыя обители твоея неустанный хранителю;

Радуйся, всея земли нашея заступниче.

Радуйся, блаженне Лаврентие, Калужский чудотворче.

 

Кондак 10

Спасительную Божию благодать подаеши всем, святе Лаврентие, с недугами человеческими и с верою крепкою молитвенно притекающим к цельбоносному твоему образу. Темже и мы, припадающе, молим тя недуги наша исцелити, грехом же нашим отпущение испросити, да зовем дивному во святых Своих Богу: Аллилуиа.

 

Икос 10

Царя Небеснаго Христа Бога истинный раб и угодник был еси, Лаврентие блаженне, и от Него чудесы прославленный, отечествию твоему земному благотворения многая являеши, больныя исцеляя, расслабленныя укрепляя, слепыя просвещая. О немже радующеся, приносим ти сия радостныя пения:

Радуйся, звездо немерцающая, чудес зарею верныя озаряющая;

Радуйся, правды солнца Христа луче пресветлая.

Радуйся, милосердия Спасова подражателю;

Радуйся, милость твою болящим человеком являяй.

Радуйся, верныя души благодатью посещаяй;

Радуйся, в сониих и видениих земнородныя зраком лица твоего просвещаяй.

Радуйся, от горних высот к ищущим заступления твоего милостивно принимаяй;

Радуйся, от очес страждущих слезы отираяй.

Радуйся, области Калужския духовная красото;

Радуйся, Церкви Христовы светлая похвало.

Радуйся, на небеси со ангелы и святыми славою нетленною украшенный;

Радуйся, на земли от правоверных по долгу ублажаемый.

Радуйся, блаженне Лаврентие, Калужский чудотворче.

 

Кондак 11

Пение молебное у гроба твоего с верою некий разслабленный приношаше, руце и нозе недвижими и язык немый имеяй, но егда к целебней раце мощей твоих прикоснулся, абие здрав соделася, руце свои простре и ногами ходити нача и языком своим ясно проглагола; темже велию твою к нему милость прославляше и благодарственно взываше ко Господу: Аллилуиа.

 

Икос 11

Светлостью чудес твоих, угодниче Божий Лаврентие праведне, помраченныя грехми души наша озаряеши и вся ны от сна лености возбуждаеши, да плоды покаяния принесем Христу, тебе в подвизех богоугождения подражающе, яко да возможем неосужденно благохвалити тя, предстателя нашего, сими песненными глаголы:

Радуйся, лампадо, светом Христовым всех просвещающая;

Радуйся, елеем милости твоего сердца болезненная умащаяй.

Радуйся, руце согбенная и недвижимая целы и действенны устроивый;

Радуйся, нозе неходящия к скорому и правому течению претворивый.

Радуйся, язык, немотою связанный, благодатно разрешивый;

Радуйся, разслабленнаго всеми уды крепка и здрава возставивый.

Радуйся, алавастре целебный, на всякия недуги врачевство содержаяй;

Радуйся, болящим милость сострадания твоего являяй.

Радуйся, по Бозе и Пресвятей Богородице упование на тя возлагающих не посрамляяй;

Радуйся, любящим тя и чествующим память твою предстательством небесным воздаваяй.

Радуйся, молитвенно призывающим святое имя твое на помощь ускоряяй;

Радуйся, поклоняющимся с верою честным мощем твоим дары целебные независтно подаваяй.

Радуйся, блаженне Лаврентие, Калужский чудотворче.

 

Кондак 12

Благодать Божию многоцелебную, от гроба твоего источаемую, некий муж уведев, сына своего, ногами болезновавша и отнюдь ходити не могуща, на плещах своих к целебной раце твоей, святе Лаврентие, принесе и со слезами о его исцелении к тебе моляшеся; и се молитве еще сущей во устех его, больной на нозе свои ста и ходити нача, скача и благодаря Бога, в тебе славно прославльшагося, благодарными усты взывая к Нему: Аллилуиа.

 

Икос 12

Поюще подвиги твоя предивные и чудеса твоя преславная, Лаврентие праведне, молим тя, заступника нашего: приклонися милостивно к нашим молитвам смиренным и вознеси о нас ко Господу твоя благоприятныя молитвы, прося нам от благости Его дары благопотребныя душевному спасению нашему, да возможем и мы грешнии не токмо подвиги твоя прославляти, но и добродетелем твоим подражати, зовуще и глаголюще:

Радуйся, светлый образе богоугождения в мире жительствующим;

Радуйся, предивный наставниче в иночестве подвизающимся.

Радуйся, девствующим подражания образе;

Радуйся, нищелюбцем преуспеяния правило.

Радуйся, мудрости суетныя мирския посрамителю;

Радуйся, буйства о Христе благодатнаго проявителю.

Радуйся, евангельских обетований наследниче;

Радуйся, апостольских целебных даров преемниче.

Радуйся, ангельских воинств собеседниче;

Радуйся, всех святых сожителю.

Радуйся, телеса наша безмездно врачуяй;

Радуйся, о душах наших Господа умоляяй.

Радуйся, блаженне Лаврентие, Калужский чудотворче.

 

Кондак 13

О предивный чудотворче и заступниче всем нам премилостивый, святе блаженне Лаврентие! Приими с любовию сие малое, в похвалу тебе приносимое моление наше и помолися ко Господу Богу о еже избавится нам геенны огненныя и мучений вечных, Царствие же Небесное вкупе с тобою унаследовати, да в радости святых воспоем и мы, грешнии, Богу Спасителю нашему: Аллилуиа.

 

Этот кондак читается трижды, затем икос 1-й и кондак 1-й

Share this post


Link to post

Спаси Господи, Саша!

 

Впервые услышала о Лаврентии Калужском на прошлой неделе, когда ехала в Оптину, и водитель мне прочитал Молитву Задержания, где он упоминался: "И Ты, блаженный Лаврентий Калужский, моли Бога о мне, как имеющий дерзновение пред Господом предстательствовать о страждущих от козней диавольских. Моли Бога о мне, да оградит Он мя от козней сатанинских."

 

Сердце дрогнуло, когда о нём услышала, ведь путь лежал на Калужскую землю и так сразу тепло стало :80:

Share this post


Link to post

Впервые услышала о Лаврентии Калужском на прошлой неделе, когда ехала в Оптину...

 

Наташенька! Как же это ты в первый раз-то услышала?! ))) Так ведь его ж каждый раз на Всенощной поминают, причём неоднократно! ))) :grin0000:

Share this post


Link to post

Да, Ольга, не скрою, позор мне! Так вот с того момента, как первый раз услышала в молитве Задержания, стала выделять его имя на Всенощной, до этого, скорее всего, не заостряла на его поминании внимания.. :blush000:

Share this post


Link to post

Здравствуйте! Я то же очень люблю и почитаю святого Лаврентия Калужского. По этой ссылке можно скачать акафист Лаврентию Калужскому Чудотворцу :https://yadi.sk/d/7dNsHbkdznThj

Edited by Дмитрий83

Share this post


Link to post

Меня с монастырем Лаврентия Калужского многое связывает. Первый раз я приехал в монастырь в 2004 году. Когда я первый раз приехал в этот монастырь то по внешней обстановке трудно было понять где здесь храм. Много различных построек в которых жили люди, какие то сараи. Самым главным местом там была часовня и поклонный крест на могилке над местом, где покоятся мощи святого. На Богослужении под открытым небом в день празднования Лаврентию я не разу не был. Конечно очень хотел приехать, но не получалось. В 2007 году я обратился к своему знакомому иконописцу Андрею с просьбой написать его икону. Несколько раз я приезжал в Калугу в Георгиевский собор, чтобы попытаться прочитать на иконе Лаврентия Калужского изречение на его хартии. Мы тогда с отцом Иеромонахом Макарием служившем в монастыре пытались вместе прочитать что там написано. В итоге мне помог один семинарист прочитать. Когда его икона была написана я долго ее не освящал. Очень хотел чтобы она была освящена в Лаврентиевом монастыре. И в 2010 году 24 августа я приехал в монастырь вместе с иконой. На престольный праздник я снова не попал. В монастыре служил Игумен Пафнутий. Правда до этого я с ним не разу не встречался. Он меня конечно немножко пожурил и сказал, что же ты вчера я не приехал, ведь служил сам митрополит Климент он бы и освятил. В итоге отец Пафнутий благословил икону оставить, а когда пройдет время мне позвонят чтобы я ее приехал и забрал. Так и получилось. Но чудо здесь в том, что после этого через два месяца начались восстановительные работы в монастыре. С того времени я больше в монастырь не приезжал. Прошло время и я икону Лаврентия передал в дар храму Преображения Господня села Усады, Касимовской Епархии, где служит мой духовник. 

Святый Праведный Лаврентие Моли Бога о Нас!!! Сохрани град Калугу и Святую Обитель Твою!!!

CqhOtQKXEAAICnj.jpg

Edited by Дмитрий83

Share this post


Link to post

  • Recently Browsing   0 members

    No registered users viewing this page.

×
×
  • Create New...