**Tatiana**

О, Мати Милосердая, Дево Марие, аз грешный и неотребный раб Твой, воспоминаючи Твоя болезни, егда Ты услышала еси от Симеона Пророка о немилостивном убиении Сына Твоего, Господа нашего Иисуса Христа, приношу сию Тебе молитву и Архангельское обрадование, приими в честь и память болезней Твоих и умоли Сына Твоего - Господа нашего Иисуса Христа, да дарует ми познание грехов и жаление о них.

Господи Иисусе Христе, Сыне Божий, приими умершаго мя душею и умом. Приимя мя грешнаго, блудника, сквернаго душею и телом. Отыми неприязнь безстудную и не отврати лица Твоего от мене, не рцы, Владыко: "не вем, кто еси", но вонми гласу моления моего: спаси мя, яко имеяй множество щедрот и не хощеши смерти грешника, не оставлю же Тя, Создателя моего, и не отступлю от Тебе, дондеже послушаеши мя и даси всем грехом моим прощение, молитв ради Пречистыя Матери Твоея, предстательствы честных Небесных Сил бесплотных, святаго славного Ангела Хранителя моего, Пророка же и Предтечи Твоего Крестителя Иоанна, богоглаголивых Апостол, святых и добропобедных мученик, Преподобных и Богоносных отец наших и всех Твоих святых, помилуй и спаси мя грешнаго. Аминь.

Слава Тебе, Христу Богу моему, не погубившему мя грешнаго со беззаконьми моими, но даже доселе грехом моим потерпевшему.

Благодарю тебя, Господи, за ночь прошедшую! Благослави меня, Господи на день предстоящий! Благослави Господи, меня и этот день, И помоги мне прожить его в молитве и добрых делах, И сохрани от всех враг видимых и не видимых.

Слава тебе, Боже наш, слава Тебе! Слава тебе, Милостивый, слава Тебе! Слава тебе, Царю мой, слава Тебе! Слава тебе, Создатель мой, слава Тебе! Слава тебе, Долготерпеливый, слава Тебе! Слава тебе, Многомилостивый, слава Тебе! Слава тебе, Человеколюбец, слава Тебе!

Святые Херувимы и Серафимы, Начала, Власти, Престолы, Господства, Силы, Архангелы и Ангелы молите Бога за нас, грешных! Святые Апостолы, мученицы, преподобные и праведные, священномученицы, преподобномученицы, юродивые и все святые, молите Бога за нас, грешных!